Kuningan Tandang Maju Tanding
Kuningan kiwari hangkeut ngawangun
Mupul daya mancegkeun tatapakan
Butbat jalan gedong sigrong
Seja tandang maju tanding
Kuningan niat singkil babarengan
Padung-dung di medan winangun
Bajuang ningkatkeun karaharjan
Ngariksa hasil mungkaskeun udagan
Tekad anu jadi dadasar
Mimitran jadi visi utama
Pangwangunana sagala wiang
Sangkan rahayat ajeg mandiri
Hayu tandang teuneung ludeung
Rampak bareng maju rambatirata
Sumanget juang jadi pakarang
Mapag mangsa kerta raharja
Tidak ada komentar:
Posting Komentar